د مئي په ۹مه نېټه په پوځي تنصيبات بريدونو كښې ككړو كسانو سره به كومه نرمي نشي كېدې، احسن اقبال

اسلام آباد :د منصوبه بندۍ٬پرمختګ او د خاص اقدامات وفاقي وزير احسن اقبال د مئي په ۹مه نېټه پنجاب٬خېبرپښتونخوا او د سندھ په ګڼ شمېر ښارونو كښې په رياستي ودانو او په پوځي تنصيبات د بريدونو سخته غندنه كولو سره د دې خبرې عهد كړے چې په دې پېښو كښې د ككړو كردارنو په ضد به كومه نرمي نه كېږي ۔د دې خيالاتو څرګندونه ده د هېواد شهيدانو ته د عقيدت پیرزوئنې وړاندې كولو لپاره كنونشن سنټر كښې راجوړ كړي”تكريم شهيدانو كنونشن”ته د وېنا كولو په مهال كړی۔د دستورې خاص مېلمه وزيراعظم محمد شهباز شريف ؤ چې پكښې د شهيدانو كورنيو٬وزيرانو٬پخوانو پوځيانو٬سفارتكارو٬د سول سوسائټۍ غړو او زده كوونكو په لويه شمېره ګډون وكړو۔د دستورې مقصد شهيدانو ته د عقيدت پیرزوئنې وړاندې كولو او د مئي په ۹مه د بريدونو غندنه كول وو چې پكښې په لويې ځاني زيان شوے ۔ په دې موقع وينا كولو سره وفاقي وزير شهيدانو ته د عقيدت پیرزوئنې وړاندې كړې او د ځپليو كورنيو سره ئې د يووالي څرګندونه هم وكړه۔ده ووئيل د مئي په ۹مه نېټه په پوځي تنصيبات بريدونو كښې د ككړو كسانو سره كوم ډول نرمي نشي كېدې۔ده ووئيل دا ډول غېر قانوني او غېر آئيني اقدامات به برداشت نه كړے شي

شیئر یې کړی