وزيراعظم شهباز شريف د افغان وزيراعظم سره ټېليفوني تماس٬د زلزلې په زيان ئي خفګان څرګند کړے
وزيراعظم محمد شهباز شريف د افغان عبوري حكومت لنډ مهاله وزيراعظم ملا محمد حسن اخوند سره ټېليفوني تماس نيولے او په افغانستان كښې د زلزلې له امله په ځاني او مالي زيان ئې د افغان اولس سره د پاكستان لخوا د يو والي څرګندونه كړې.
د وزيراعظم مېډيا آفس لخوا جاري شوي بيان له مخې وزيراعظم د جون په ۲۲مه نېټه كال ۲۰۲۲ په افغانستان كښې د زلزلې په نتيجه كښې په ډېر قيمتي ځاني او مالي زيان د پاكستان حكومت او اولس لخوا د يو والي او غمرازۍ څرګندونه كړې۔وزيراعظم په حق رسېدليو كسانو لپاره د بخښنې او ژوبل شوو لپاره د زر روغتيا دعا كړې ۔وزيراعظم د دې خبرې پخلے وكړو چې پاكستان په دې سخت وخت كښې خپلو افغانانو وروڼو سره اوږه په اوږه ولاړ دے.
وزيراعظم افغانستان ته د بېړنۍ مرستې وركولو لپاره د پاكستان لخوا د مرستې سامان وركولو تفصيلاتو څخه هم هغه خبر كړو چې پكښې داروګان٬خيمې٬ترپالونه او د كمبلو ترسيل شامل دے۔وزيراعظم ووئيل غلام خان او انګور اډا بارډر كراسنګ پوائنټس د پاكستان روغتونونو كښې سخت ژوبل شوو افغانانو علاج لپاره پرانستې دې۔ده راتلونكو ورځو كښې هم د پاكستان لخوا د مرستې روانې ساتلو باور وركړو۔وزيراعظم د دواړو هېوادونو اولسونو ترمينځه نزدې د ورورورلۍ په اړيكو زور راوړو او د سنګين بشري صورتحال سره مخ افغان اولس له ئې د مرستې وركولو د عزم پخلے وكړو۔وزيراعظم ووئيل پاكستان د امن٬پرمختګ او خوشحالۍ مقصد لپاره د دوه اړخيزه اړيكود لا قوي كولو عزم لري
