د متحده عرب امارات خارجه وزير په دبئي ايكسپو ۲۰۲۰ كښې د پاكستان پويلين دوره وکړه
د متحده عرب امارات خارجه وزير شېخ عبدالله بن زيد النهيان په دبئي ايكسپو ۲۰۲۰ كښې د پاكستان پويلين دوره كړې, د پاكستان سفارتخانې لخوا جاري پرېس ريليز له مخې په يو اے اي كښې د پاكستان سفير افضال محمود د هغه هركلے كړے, د متحده عرب امارات خارجه وزير شېخ عبدالله بن زيد النهيان په ابوظهبي كښې د ترهه ګرۍ په بريد كښې د يو پاكستاني وګړي په مړينه د غمرازۍ څرګندونه وكړه او د مړې هېواد ته د وړلو او ژوبل شوو دوه پاكستانيانو علاج لپاره د هر ممكنه مرستې باور وركړو.
جاري شوي پريس ريليز کښې وئيلې شوي چې د متحده عرب امارات خارجه وزير شېخ عبدالله بن زيد النهيان د ترهه ګرۍ بريدونو په تناظر كښې د پاكستان حكومت لخوا ملاتړ او د يووالي څرګندونه وستائېله۔ده په دبئي ايكسپو ۲۰۲۰ كښې د پاكستان ايكسپو ډلې ستائنه وكړه.
په دې موقع پاكستان سفير افضال محمود د متحده عرب امارات مشرتابه او اولس سره د پاكستان حكومت او اولس لخوا د يووالي څرګندونه وكړه او د حوثيانو بزدلانه بريدونو يې سخته غندنه وكړه, ده پاكستان ايكسپو ډلې ته په بشپړه مرسته وركولو د متحده عرب امارات حكومت هم مننه وكړه او د دواړو هېوادونو ترمينځه د موجوده اړيكو لا مضبوطولو لپاره ئې د عزم څرګندونه وكړه.
