يوه تعلیم یافته مېرمن يو نسل مهذب جوړولې شي٬ شېخ رشيد احمد

د کورنيو چارو وزير شېخ رشيد احمد وئيلي دي يوه تعلیم یافته مېرمن د يو نسل مهذب جوړولو ضامن ده٬ يوازې لوستې ملتونه د پرمختګ په زغل کښې خپل منزل مومي, د مېرمنو د زده كړو وده مو ټول عمري مقصد پاتې شوې دې٬ په پېنډۍ كښې مو د انجونو ۶۰ تعليمي ادارې جوړې كړې, د بې وزلو په ټولو سيمو كښې سركاري سكولونه او كالجونه اپ ګرېډ كولې شي٬ كه لور لوستې وي نو په ښار كښې به كوم نشائي توكي خرڅونكي يا قبضه مافيا سر اوچتولې نه شي.

شېخ رشید احمد ووئيل د تعليمي ادارو اپ ګرېډېشن او په دې كښې د عصري آسانيو باوري كولو له په ګورنمنټ اېسوسی اېټ کالج برائے خواتین اېف بلاک سېټلائټ ټائون (کټاریاں) كښې ملټي پرېز هال په باقاعده توګه فعاله كړې شوې دې دغسې چې د دې ښار لونړو ته د زده كړو ترلاسه كولو زياتې موقعې وركړې شي.

دوي ووئيل په پېنډۍ كښې د ركشا ډرائيور لور سي اېس اېس امتحان ټاپ كولو سره د هېواد او قوم سره فخر سره پورته كړې دې, هغه ووئيل د آئی ټی پوهنتون نه وروسته به درې پوهنتونونه بشپړ شي, هغه ووئيل كله چې زه سياست ته راغلم نو د مېرمنو زده كړو حوالې سره پېنډۍ په ۳۷ لمبر وه او نن په وړومبي لمبر ده, هغه ووئيل د لال حویلی هم كوم يو پوهنتون ته د وركولو اعلان كوم, زما مشن وو چې انجونې د نرسري نه تر پي اېچ ډي په يو ځائې كښې زده كړې ترلاسه كړي په كوم كښې چې مونږ كامياب شوې يو.

شيخ رشيد احمد ووئيل كومې انجونې چې د وسائلو او مسائلو د لاسه بهر هېوادونو ته زده كړو له تللې نه شي د هغوي لپاره به انتظام د لال حوېلي لخوا كولې شي, كه كومه نجلۍ د سكول فيس وركولې نه شي د هغې د فيس ذمه واري به لال حوېلي پورته كوي, هغه ووئيل په پېنډۍ كښې د تعليمي ادارو د جال خپرولو خوب ريښتيا شوې دې.۔

شیئر یې کړی